Útskipun frá Hafnarfirði

Fura flutti utan til Evrópu samtals rúmlega sautján þúsund tonn af brotajárni sem skipað var um borð í flutningaskip í Hafnarfjarðarhöfn í október og desember 2022. Allt brotajárn frá Furu er kurlað og flokkað á starfssvæði fyrirtækisins í Hafnarfirði og er hráefnið því tilbúið beint til bræðslu hjá stálbræðslufyrirtækjum á meginlandinu, aðallega í Portúgal. Þar fær járnið nýtt hlutverk í nýjum búningi sem nýtt er til framleiðslu margvíslegra vara fyrir neytendamarkað.